Mål og meining
Alnastavane gir svært begrensa informasjon om båtane. Det er likevel viktig å vite kva teikna på alnastaven tyder og kvar måla høyrer til på båten.
Dei få måla på alnastaven er nøkkelen til systemet som gir formen på båten. Slik er det for færingane ,så slik går eg ut frå at det er på dei større båtane også. Veka som er forbi har eg for det meste brukt til å leite i gamle skrifter, studere alnastavar for seksæringar og finne fram båtteikningar. Månge av teikningane som er laga gir også begrensa informasjon og nokre er meir kunstneriske enn korrekte. Eg har fått tak i fleire alnastaver for seksæring men ingen for større båtar endå.
Til tross for begrensa materiale har eg allereie fått nokre a-ha opplevelser og gler meg til å leite videre etter kunnskap. Har også fått lovnad om å få leite gjennom tølene etter båtbyggar Harald Dalland. Det er drøyt 4 år sidan han vandra, og han er fortsatt savna på verkstaden. Skal bli fint å få komme inn i verkstaden hans å sjå kva skattar som kan gøyme seg der :) .
Se også
Innved, festemidlar og arbeidsprosess.
Eg har fundert på om moderne festemidlar som saum, spiker, skruar, og lim i staden for trenaglar, har ført til endringar på innveden i båtane.
Tanker kring den mystiske alnastaven.
Båtbyggarar har i århundrar støtta seg til alnastaven. Den har vært, og er, både hemmeleg og mystisk, og familiane har halde måla for seg sjølve. Båtbyggarar her i distriktet (Bjørnafjorden) likte ikkje å få augnatjuvar inn i naustet eller verkstaden. Om besøkande vart for lang i blikket, og såg ut til å leite etter alnastavane vart dei gjerne hivne på dør.
klinkeverktøy og klinking
Eg tenkte å skrive litt om klinkeverktøy, men det er håpløst å skrive om verktøyet uten å sette det inn i arbeidsprosessen. Verktøyet i seg sjølv er kanskje ikkje særs spennande eller finurlig, og det kjem i fleire variantar, men arbeidet er likevel ikkje "rett fram" og tankelaust.
Overbøre.
Eg ligg etter med å fortelje korleis det går med åttringen. I november og desember 2020 gjekk eg meg vill i trenaglar, åretta, naglasnitt og emneved. Eg grov meg heldigvis ned i tide, snakka med erfarne trenaglefolk, tok hensyn til emneved og lokale tilhøve, samt tilpassa arbeidet etter evne og forhold. Eg jobba for å skaffe meg nødvendig utstyr for å hjelpe meg sjølv og andre, samt å finne trygge vegval. Omsider kome eg ut i ope terreng, og trur no eg har ei viss forståing for trenaglane til båten slik at eg er klar til å jobbe vidare.
