Børsemakerens blogg

Alf Helland

With a little help from my friends

Publisert: 8. aug. 2018

Der hadde Beatles så rett, så rett. Vener er uvurderlege. Eg har nemleg lege vaken og tenkt på kor eg skal få tak i ordentleg messing. Det er ikkje det enklaste. Vanleg gul messing som me får i handelen inneheld 28 % sink og 72 %  kopar, er kortsponande og sprø. Bartholomeus Girandoni  hadde det same problemet i  1780-åra, så eg er ikkje åleine. Men eg er ikkje sikker på om han hadde slike medhjelparar som eg….

Alf Helland

Og då er rådyra gode...

Publisert: 18. juni 2018

Av og til går ikkje ting heilt som dei skal. Og du veit ikkje heilt kvifor.

Då er det godt å ha erfarne fagfolk rundt deg. Eg stod med ein klump messing som hadde vorte eit perfekt utgangspunkt for ein låskasse, hadde det ikkje vore for eit søkk i bakre enden som gjorde emnet mitt til skrot. Då er det eitt å gjere – ta kontakt med fagfolka….

Alf Helland

Some girls like it hot...

Publisert: 18. juni 2018

….and so do we.

  Av og til kan det verte i hottaste laget, og i dag var ikkje dagen for miniskjørt ved essa.  Det kan eg garantere. Men det var ein dag  å heise flagget på.

Sjølv om det var 18.mai…

Bli med på ein gloheit tur inn i gjørtlaren si fantastiske verd…

Alf Helland

I modellbransjen

Publisert: 18. juni 2018

Men ikkje noko cat walk eller glamorøse kjolar å sjå, sjølv om Melodi Grand Prix står for døra.

Eg får nøye meg med arbeidsforkle.

Likevel, dette er spanande. Endeleg får eg ta til med å lage det eg skal, nemleg delar til Girardonirifla. Eg veit ikkje heilt korleis dette skal gå. Trur det kan vere lurt med ein god foundation før makeupen skal på….

Alf Helland

Drilling me softly

Publisert: 18. juni 2018

…strumming my pain with his fingers, singing my life with his words…

Ein handverkstipendiat kan til tider oppleve motgang og vere nede. Av og til er det som om ein arbeidar og arbeidar, men ingenting lukkast. Heilt forferdeleg. Den historia med diglar frå Kina har gått inn på meg, det er sikkert. Å sjå at den flotte messingen ein har arbeidd med berre renn ut av slaggluka og ned i grusen tek hardt på arbeidsmoralen. Men: Ekte handverkstipendiatar gjev aldri opp. Dei finn løysingar.Nemleg!

Alf Helland

Påskemorgen slukker sorgen

Publisert: 18. juni 2018

 ….men ikkje flammen i omnen. For eit brøl. Nesten som ein V8 motor med fullt turtal.  Dette er stort. Veldig stort! Augnebryna er noko kortare etter fyrste oppfyring, men du verden!  Det er smil og det er tårer. Gledestårer….

Alf Helland

Med bibel og kjettingtalje

Publisert: 18. juni 2018

Herleg. No kriblar det i heile kroppen. Snart står omnen ferdig. Berre eit par små detaljar står att. Eller rettare sagt: Ein litt større detalj på 130 kilo: Døra. Her må det nok ein ekstra Libero til, eller kanskje ein Pampers Up and Go ?

 

Alf Helland

På jakt etter stein

Publisert: 18. juni 2018

”Så stor ovn, pappa? Kult. Her er det sikkert plass til veslesøster.” Det er kommentaren frå sonen i huset. Han har til alle tider vore løysingsorientert. Me las eventyr frå Brødrene Grimm  til han på sengekanten, og historia om pepperkakehuset har tydelegvis inspirert han. Inspirasjon er viktig. Det fekk eg også erfare då omnen skulle murast ferdig….

Alf Helland

Ran an die Arbeit!

Publisert: 11. feb. 2018

Eg og den ni år gamle dottera mi har ein ting felles:  Me diggar Pippi Langstrømpe. Eg får meir tru på meg sjølv når eg høyrer henne seie: "Det har jag aldrig provat förut, så det klarar jag säkert!" Å rekonstruere Girardonisystem har, såvidt eg veit, ikkje vore gjort i Europa sidan 1830-talet, så eg føler meg litt på gyngande grunn her eg står. Men - klarte Pippi pluttifikasjonstabellen, så klarar me det her. Nemleg....

Alf Helland

Og så vende han atter mot nord

Publisert: 25. jan. 2018

 No var eg så travelt oppteken med å avdekke løyndomane i Girardonirifla at eg hadde gløymt verda rundt meg. To veker med oppmåling og dokumentasjonsarbeid nærma seg slutten og det var på tide å ta farvel med den tradisjonsrike våpenbyen som  var heimen min i tre år. Lite visste eg at det skulle verte eit annleis farvel…

Utforsk bloggen