logo
Naustet til Fjell kystlag på Ågotnes. Her er kontrastane store.

Gamalt og nytt.

Publisert:
22.11.2018

Tida som har gått sidan sist blogginnlegg har eg brukt til å måle opp båtar. Eg har også jobba ein del med å komme i kontakt med personar som eig, eller disponerer båtar eg vil måle opp. 

Eg har vært så heldig å få komme inn i lokala til fjell kystlag på Ågotnes ( Sotra). Her har dei ei flott båtsamling. Eg har ikkje starta oppmåling på båtar her enda, men laga meg ei oversikt over kva båtar som er interessante for meg å sjå nærare på. Dei har minst seks båtar eg vil måle opp og dokumentere med foto. I tillegg eig dei ei rekke andre båtar som har vært viktige på kysten. Eg tar hatten av meg for engasjementet og dugnadsinnstasen dei viser.

Eg har tatt bilde av nokre av båtane eg skal sjå nærare på i tida fram mot jul. Over ser de bilde av ein flott, velholdt oselvarseksæring med kjølrenne ( smal bordgang ved kjølen). Denne båten står med god tilkomst, eg kjem difor til å starte oppmålinga her med denne båten.

Over den første seksæringen heng denne vesle seksæringen bygd utan kjølrenne. 

Dei har også to ladromsbåtar som er svært spanande for meg å sjå nærare på. Eg har berre sett denne eine endå. Ladromsbåten på bildet er ein ombygd båt. Den er truleg bygd som stor seksæring eller liten åttring og bygd om til anna bruk seinare. Båten heng som de ser oppunder taket og er vanskeleg å jobbe med før den er sikra betre. 

Ladromsbåten sett framifrå. Stamn og øverste omfar ( bordgang på begge sider) er "nytt". Arbeidet som er utført under ombygginga er fint utført, og båten ser ut som den skal være slik.

Ladromsbåten sett inni.

Folk har til alle tider brukt det dei har hatt av kunnskap og resurser, og gjort det beste ut av det dei har hatt til rådvelde. Eg meiner dette er noko å ha med seg i bakhovudet for oss som jobbar med å ta vare på, og videreføre handverk og tradisjonar i dag. Skal handverket være levande må det også være rom for endringar og nytenking. Men ein må ha ein tanke om kvifor ein vil endre noko, og kva ein vil oppnå. For å ha klare tankar om slikt må ein først ha inngåande kunnskap og ferdigheit i det ein vil endre på.

Se også

Innved, festemidlar og arbeidsprosess.

26.03.2021

Eg har fundert på om moderne festemidlar som saum, spiker, skruar, og lim i staden for trenaglar, har ført til endringar på innveden i båtane.

Tanker kring den mystiske alnastaven.

15.03.2021

Båtbyggarar har i århundrar støtta seg til alnastaven. Den har vært, og er, både hemmeleg og mystisk, og familiane har halde måla for seg sjølve. Båtbyggarar her i distriktet (Bjørnafjorden) likte ikkje å få augnatjuvar inn i naustet eller verkstaden. Om besøkande vart for lang i blikket, og såg ut til å leite etter alnastavane vart dei gjerne hivne på dør.

klinkeverktøy og klinking

01.03.2021

Eg tenkte å skrive litt om klinkeverktøy, men det er håpløst å skrive om verktøyet uten å sette det inn i arbeidsprosessen.  Verktøyet i seg sjølv er kanskje ikkje særs spennande eller finurlig, og det kjem i fleire variantar, men arbeidet er likevel ikkje "rett fram" og tankelaust.

Overbøre.

17.01.2021

Eg ligg etter med å fortelje korleis det går med åttringen. I november og desember 2020 gjekk eg meg vill i trenaglar, åretta, naglasnitt og emneved. Eg grov meg heldigvis ned i tide, snakka med erfarne trenaglefolk, tok hensyn til emneved og lokale tilhøve, samt tilpassa arbeidet etter evne og forhold. Eg jobba for å skaffe meg nødvendig utstyr for å hjelpe meg sjølv og andre, samt å finne trygge vegval. Omsider kome eg ut i ope terreng, og trur no eg har ei viss forståing for trenaglane til båten slik at eg er klar til å jobbe vidare.

Trenaglar

14.01.2021

Teknikk ved nagling, produksjon av naglane, materiale, dimensjonar, bruksområd